பொழுது போக்கு

அழகு மட்டுமல்ல, திறமைசாலியுமான பிரியங்கா சோப்ராவிடம் இருந்து நீங்கள் கற்றுக்கொள்ள வேண்டியவை!

வெற்றியானது ஒருபோதும் பிரியங்கா சோப்ராவின் புதிய சவால்களைத் தடுப்பதில்லை. டைம் பத்திரிகையில் மிகவும் செல்வாக்குமிக்க 100 நபர்களைப் பற்றிய பதிப்பில் இடம் பெற்றதற்கான ஒரு நேர்காணலில், “நான் எப்போதும் ஒரு லேபிளாக இருக்க விரும்பவில்லை, எனக்கென்று ஒரு மரபு இருக்க வேண்டும்” என்று கூறினார்.

தன்னுடைய நடிப்புக்கான கட்டமைப்பை 2000 ஆம் ஆண்டில் உலக அழகியாக வெற்றி பெற்றதிலிருந்து உருவாக்கி வருகிறார். கோலிவுட்டில் தளபதி விஜயுடன் தனது திரை பயணத்தைத் தொடங்கி, பாலிவுட் பாக்ஸ் ஆபிஸில் தனக்கென ஒரு இடத்தை பிடித்த அவர், இப்போது பிரபலமான அமெரிக்க தொலைக்காட்சி தொடரான குவாண்டிகோவின் இரண்டாவது சீசனின் படப்பிடிப்பை வெற்றிகரமாக நடத்தி வருகிறார், விரைவில் பேவாட்ச் திரைப்படத்தில் காட்சி அளிப்பார். இந்த திரை பயணத்தில் அவர் இரண்டு தேசிய விருதுகளையும் மக்களால் தேர்வு செய்யப்படும் விருதுகளையும் பத்மஸ்ரீ விருதையும் மேலும் ஒரு டைம் பத்திரிகையின் முகப்பு இடத்தையும் பெற்றிருக்கிறார். இதில் குறிப்பிடாத ஒன்றும் உள்ளது. அது அவர் வெற்றிகரமான இசை ஆல்பத்தையும் வெளியிட்டார் என்பதை அறிவீர்களா? பிரியங்கா சோப்ரா இவை அனைத்தையும் அடைவதற்கு பிரியங்கா சோப்ராவின் அதீதமான திறமையைக் கொண்டே சாத்தியமானது. இவருடைய வளர்ச்சியும் வெற்றிகளும் அவர் மீதான மதிப்புமிக்க படிப்பினைகளை உருவாக்குகிறது. அவருடைய வளர்ச்சியிலிருந்து நாம் என்னவெல்லாம் கற்றுக் கொள்ள முடியும் என்பதனை இங்கே பார்க்கலாம்: உங்களுக்கு வரும் நல்ல வாய்ப்புகளை எப்போதுமே தவறவிடாமல் பயன்படுத்திக் கொள்ளுங்கள்
“அப்படியொரு வாய்ப்பு அமெரிக்காவிலிருந்து எனக்கு வந்தது” என்று சமீபத்தில் தி கார்டியன் செய்தித் தாளிடம் பிரியங்கா சோப்ரா கூறினார். இந்தியாவில் ஒரு மிகப்பெரிய நட்சத்திர அந்தஸ்து பெற்ற இவர் இப்படியொரு வாய்ப்பைத் தேர்ந்தெடுக்க வேண்டிய கட்டாயம் இல்லை, இருந்தாலும் அவர் செய்தார். மனநிறைவு என்பதையெல்லாம் தாண்டி தனக்கான வளர்ச்சியில் அவர் உறுதியாக இருந்தார்.
ஒரு தனி ஆளாக வெற்றி பெறுவதற்கும் வளர்வதற்கும் உங்களுடைய அனுபவம் மற்றும் தொலைநோக்கு பார்வையும் தொடர்ந்து விரிவடைய வேண்டும். பிரியங்கா சோப்ராவின் ஆஸ்கார் விருது தனக்கென இலக்குகளை நிர்ணயித்துக் கொண்டு அதனை அடைவதற்கு உழைக்க வேண்டும். அவரின் ஆஸ்கார் விருதிற்கான இலக்கும் அப்படித்தான். “இலக்குகளைக் கொண்டவராகவும் அந்த இலக்கினை அடையக்கூடிய ஒருவராகவும் நான் அறியப்பட விரும்புகிறேன்” என்று பிரியங்கா சோப்ரா டைம் பத்திரிகையின் தனது பேட்டியில் குறிப்பிட்டுள்ளார். இந்தி திரையுலகினில் காலடி எடுத்து வைத்த அந்த தருணத்திலிருந்து அவர் தனது உயர்ந்த இலக்கை அடைவதற்கு நனவுடன் திறமையாக பணியாற்றி வருகிறார். தனது குறிக்கோளை நிறைவேற்றுவதற்கு ஃபேஷன் போன்ற திரைப்படங்களில் நடிப்பது என அவர் ரிஸ்க் எடுத்துள்ளார். இந்த திரைப்படம் ஆண் நடிகரை முன்னிலைப்படுத்தாமல் ஒரு பெண்ணை மையமாக வைத்து எடுக்கப்பட்ட படம் என்பதால் இந்த படம் வெற்றியடையுமா என்று அனைவரும் சந்தேகம் அடைந்தனர், ஆனால் அது பாக்ஸ் ஆபிஸில் வெற்றியைப் பதித்தது (மேலும் அவருக்கு ஒரு தேசிய விருதையும் பெற்றுக் கொடுத்தது). அவருடைய இலக்கினை உணர்ந்ததால் அவர் புதிய யுக்தியாக அமெரிக்காவின் தொலைகாட்சி நிகழ்ச்சியான குவாண்டிகோவில் தனது பங்கேற்பை ஏற்படுத்திக் கொள்ளவும் ஆயத்தமாக இருந்தார். இலக்கை அமைப்பது என்பது வெற்றியை நோக்கிய முதல் படியை எடுத்து வைப்பது ஆகும். இலக்குகள் இல்லாமல் உங்களால் எதையுமே சாதிக்க முடியாது. எப்போதும் மாற்று திட்டத்தை(பிளான் B) வைத்திருப்பது முக்கியம் அவர் தனது திரைத்துறை வாழ்க்கையின் தொடக்கத்தில் தமிழில் நடித்ததற்குப் பின்பு இந்தி திரையுலகில் தனது வெற்றியைப் பதிக்க ஒன்றரை ஆண்டுகள் தன்னை அர்ப்பணித்தார். இந்த சினிமா துறையில் வெற்றி பெற முடியவில்லை என்றால் மீண்டும் கல்லூரிக்குச் செல்வது என திட்டமிட்டிருந்தார். ஆனால் இன்று அவர் மற்றவர்களுக்கு “நீங்கள் சிறப்பாகச் செயலாற்றுவதை உணர்ந்து அடுத்தக் கட்டத்திற்குச் செல்லுங்கள்” என்று அறிவுறுத்தும் நிலைக்கு வளர்ந்துள்ளார். வெற்றி பெறும் மனிதர்கள் எப்போது ஒன்றில் தவறு ஏற்படும் போதோ வாய்ப்புகள் வராத போதோ பயப்படாமல் இரண்டாம் திட்டத்திற்கு(பிளான் B) செல்ல முனைவார்கள். நீங்கள் தலைமையேற்க விரும்பினால் உறுதியாக இருக்க வேண்டியது அவசியம். வெற்றி எப்போதும் கடின உழைப்பில் இருந்தே கிடைக்கிறது பிரியங்கா சோப்ராவுடன் பேவாட்ச் திரைப்படத்தில் நடித்த இணை நடிகர் டுவைன் ஜான்சன் இவ்வாறு கூறினார், “ வெற்றி அடைய கடின உழைப்புக்கு மாற்று எதுவும் இல்லை என்று அவருக்கு நன்கு தெரியும்.” ஒரு நாளைக்கு 16 மணிநேரம் பணிபுரியும் நடிகை இவர். என்டிடிவிக்கு அளித்த பேட்டியில், “எந்த வாய்ப்பு என்னைத் தேடி வந்தாலும் அதனை இதயத்தாலும் மனதாலும் ஏற்று என் ஆன்மாவை அதற்கு தருகிறேன் என்பதில் எப்போதும் உறுதியாக இருக்கிறேன்” என்றார்.
கடின உழைப்பு எப்போதும் வெற்றிக்கு முக்கியமானது என்பது உண்மை தான். ஆனால் நீங்கள் எதை செய்தாலும் அதனை விரும்பி செய்வது மிக முக்கியம் அதுவே வெற்றியை ஏற்படுத்தும். அடித்தளமாக இருங்கள் ஜான்சன் கூறுகையில், பிரியங்கா “தனது வெற்றியை ஒரு டி-ஷர்ட்டைப் போல தனக்கு நெருக்கமாக அணிந்துள்ளார், ஒரு டக்ஷீடோ (கோட்சூட்) போல அணிவது இல்லை”. ஒரு பெரிய உலகளாவிய நட்சத்திரம் அவர் எவ்வளவு எளிமையாக வெற்றியைத் தன்னோடு தொடர்புபடுத்திக் கொண்டுள்ளார் என்பதே அவருடைய இந்த புகழிற்குக் காரணம். நீங்கள் முன்னேற விரும்பினால் உங்களுடைய நம்பகத் தன்மையைப் பாதுகாப்பது மிக முக்கியம். எப்போதும் எளிமையாக இருப்பது சமநிலை உணர்வைப் பேணுவதற்கும், நிலையான மற்றும் நம்பிக்கையான செயல்களுக்கு அடித்தளமாக இருக்கும்.

Www.tamiltv.lk
  •  
  •  
  •  
  •  
  •  
  •  
  •  
  •  

பிரபலமான செய்திகள்

உலக தமிழர்களின் உண்மைக் குரல் www.tamiltv.lk

Copyright © Tamiltv.lk

To Top